Feirsteach agus Feirsteach Eile

Campas na Naomh Uile - an 'oifig'

Nasc anseo, ag caint le hAonghus Ó Lochlainn ar na mallaibh ar an raidió, mar gheall ar an obair atá mé ag cur romham mar scríbhneoir cónaithe le DCU i mbliana. Ag plé le fochéimithe, ag plé le scríbhneoirí eile, ag forbairt gréasáin scríbhneoireachta. Ag tógáil ar obair Chló Iar-Chonnacht agus na ceardlanna acu siúd.
Ar fáil ANSEO  (brúigh an cnaipe ag bun lena chur sa tsiúl)

Fáilte roimh dhaoine chuig an ghrúpa scríbhneoireachta i gcónaí. Cuir scéal chugam chun tuilleadh eolais a fháil. realtan ag hotmail ponc com

Béal Feirste -áit a bhfuil Ionad Uí Chonghaile anois  

Agus nár dheas An Ceathrú Póilí a bheith ar an chlár céanna - Áine Nic Gearailt ag cur síos ar stair an tsiopa ó thosaigh siad san Ardscoil agus muintir na háite ag cur síos ar thabhacht an tsiopa ina saol.

Liú Lúnasa 2015

Seán Ó Muireagáin i mbun oibre

Tá féile nua ar an tsaol le muid a choinneail ag gabháil i rith an tsamhraidh, 'Liú Lúnasa'. Os rud é gur dream óg i mo bhaile dhúchais atá á reachtáil, agus mé ar cuairt ag mo mhuintir ansin, chinn mé freastal ar ócáid éigin a d'fheilfeadh domh. Tá go leor den scléip is den liú is den ragairneacht ag baint leis an fhéile, ach bhí Cúirt Filíochta eagraithe ag Seán Ó Muireagáin agus Laoiseach Ní Choisdealbha, ócáid níba chiúine.

Bhí muid thuas staighre sa Chultúrlann i mBéal Feirste agus níorbh olc an tinreamh, curtha san áireamh (a) gurbh é seo an chéad 'liú' é agus (b) gur filíocht a bhí i gceist.

Laoiseach Ní Choisdealbha

Stiofán Ó Direáin

Eoin P. Ó Murchú

Conchubhair Ó Liatháin 

Add caption