Limféidéime 2

An rud is tabhachtaí nuair a bhuaileann limféidéime an ball ná fisiteiripeoir maithi. Na cinn ar bhauil me leo san Ionad Ailse i mBéal Feirste, bhí siad uilig breá cleachtaithe bheith ag teagmhail lena cheile agus seiftiuil ag reiteach fadhbanna a d'éirigh trí bheith ag plé lena cheile. An fisiteiripeoir atá agam faoi láthair i mBác, tá sé ag obair leis fein agus níl móran airgid curtha ar fáil dó. Tá trua agam dá chás ach tá trua níos doimhne agam do mo chás fein, agus cás na mban eile a dhéanann freastail air.

Comhairle:
Déan bindealú tú féin go rialta leis an at a choinneáil faoi smacht.
Úsáid uachtar craicinn atá gan chumhra, agus atá fíorthiubh gach lá agus oíche. Úsáidim uachtar uiscí mar nach bhfuil aon cheann eile sách tiubh, nó elave.
Má tá teacht agat ar fhisitreipeoir a úsaideann kinesiotape, gabh chuig an fhisiteiripeoir sin. Liosta de na daoine in Éirinn ar fáil ón nasc.
Abair amach le daoine conas a chuireann sé isteach ort.
Ná lig do dhuine ar bith a rá: 'Ah, sure, beidh sé ina cheart arís i gcionn tamaill'.
Má bhuaileann dúlagar thú, mar a bhuail sé mé fein agus mar a bhuaileann sé go leor daoine leis seo, gabh chuig an dochtúir agus faigh na piollaí athais.
Coinnigh Flucoxacillin sa teach. Má ghearrann tú an craiceann beidh tú i mbaol ionfhabhtaithe. Má ghearrann tú do chraiceann, tosaigh ar chúrsa flucoxacillin díreach.

http://weezenhof.nl.eu.org/lymphedema/index.html

http://www.lymphedemapeople.com/

http://www.lymphireland.com/