Showing posts with label áras na scríbhneoirí. Show all posts
Showing posts with label áras na scríbhneoirí. Show all posts

Sunday, 8 November 2020

Scríbhneoir ina Cónaí

 


Nach deas an rud é a bheith i do Scríbhneoir Cónaithe. Tá tú mar chuid d'eagraíocht, tá teacht isteach rialta agat, tá am agat le bheith ag scríobh.

Sin an teoiric. In aimsir seo na Cóibhide, áfach, níl aon rud mar a bhíodh. Tá mé féin agus Sadhbh Devlin ceaptha le bheith inár Scríbhneoirí inár gCónaí ag Áras Scríbhneoirí na hÉireann an mhí seo. Le maoiniú ó Fhoras na Gaeilge. Mar gheall ar go bhfuil an t-ionad druidte, táimid ag scríobh inár dtithe féin. I mo chás féin, ag an tábla sa chistin. Níl aon athrú domhsa ansin, ar ndóigh, nó is ansin atá mé i bhfostú ó bhí Mí an Mhárta ann.

Tá an-sceitimíní ar dhaoine agus tá siad ag déanamh a mhór de. Gabhaim buíochas leo siúd. Ach focal rabhaidh - ní mhaireann an chónaitheacht seo ach coicís. Dhá sheachtain. Ach go mbainimis sult as, mé féin agus Sadhbh. Tá sparánacht bheag ag gabháil leis, rud a chiallaíonn go dtig liom teach a fháil ar cíos am éigin ar an bhliain seo chugainn (nó an bhliain dar gcionn?). Áit éigin sa Ghaeltacht, nó bhí mé chun tréimhse a chaitheamh ann i mbliana, ach, mar is eol dúinn, ní mar a shíltear - agus níl 2020 thart go fóill! 

Beidh mé in ann cromadh ar an scríbhneoireacht ansin. Tá obair le déanamh!

Fanaigí slánaigí, agus mar a deir Áine Durkin, tiocfaimid tríd. 




Tuesday, 12 November 2013

Ceardlann scríbhneoireachta


Fuair mé cuireadh chun ceardlainne i mBaile Átha Cliath. Ní bhíonn móran ar siúl i nGaeilge san Ionad i mBaile Átha Cliath, ach seans go bhfuil ag athrú anois agus Micheál Ó Ruairc i mbun gníomhaíochta ansin.



Dé Sathairn, 30 Samhain 2013
10.30a.m. – 4.30p.m.


Le cúnamh ó Fhoras na Gaeilge, beidh ceardlann scríbhneoireachta ar siúl in Áras na Scríbhneoirí, 19 Cearnóg Pharnell, B.Á.C 1 ar an Satharn, 30 Samhain: 10.30a.m. go dtí 4.30p.m.

Tá líon na rannpháirtithe teoranta go dtí 12.

Is do scríbhneoirí óga 18+ agus scríbhneoirí úra nach bhfuil saothar foilsithe acu fós atá an cheardlann seo dírithe.
(Níl mé óg, agus is fada ó bhí me úr, ach dúirt Micheál go sé maith go leor dá ndéanfainn freastal ar an cheardlann)

Ba cheart 1 nó 2 leathanach (ar a mhéad) as gearrscéal nó úrscéal NÓ dán amháin a sheoladh go dtí: ainenighlinn@gmail.com   roimh 23 Samhain ar a dhéanaí.

Ba cheart do na rannpháirtithe cóipeanna dá saothar a bhreith leo go dtí an cheardlann.

Stiúrthóir ceardlainne:
Áine Ní Ghlinn, scríbhneoir agus file.

Tá Áras na Scríbhneoirí buíoch do Fhoras na Gaeilge/Clár na Leabhar Gaeilge as urraíocht a chur ar fáil don cheardlann seo.

Rphost:  eolas@writerscentre.ie 

Friday, 9 November 2012

Bean le sloinne a oireann

Bhí oíche ómóis do Mháire Mhac an tSaoi in Áras na Scríbhneoirí i mBaile Átha Cliath anocht. Agus scaifte maith ag freastal ar an ócáid. Ní feidir glacadh leis go mbeidh scaifte ann ag na rudaí seo, ar ndóigh, agus chuir sé lúcháir orm go raibh an seomra dubh le daoine. Labhair go leor móruaisle de chuid na Gaeilge ar an bhean í féin agus ar a tábhacht i litríocht na tíre seo, idir Gaeilge agus Béarla.

Nuair a chonaic mé an liosta mór fada daoine a bhí le labhairt sula ndeachaigh mé chun na hócáide, caithfidh mé a admháil gur thit mo chroí, mar bhí duine déag ar an liosta.... Bhí mé ag iarraidh bandia seo na litríochta a fheiceáil agus a chluinstin, ach ní raibh mé ag iarraidh éisteacht le hóráidí go meánoíche.

Ach le fírinne, d'imigh an oíche go scioptha agus tháinig mé amach an doras ar leath i ndiaidh a naoi le croí eadrom. Faoin am gur labhair an bhean í féin, agus ag an aois ag a bhfuil sí (90), ba léir go raibh an intinn 'chomh géar le féasóg cait', mar a dúirt Micheál Ó Ruairc liom. Bhí sí cruinn, beacht agus lán spraoi. Roinn sí fíorainm 'Jack' linn ón dán den ainm céanna a bhí ar an chúrsa ArdTeiste roinnt blianta ó shin.

Tháinig Cathal Ó Searcaigh amach as an fhásach don oíche chomh maith, maraon le Gabriel Rosenstock. Labhair Louis de Paor, Máirín Nic Eoin agus daoine acadúla eile chomh maith.

An t-aon díomá atá orm ná gur tharla an ócáid seo ar an Déardaoin - dhá lá i ndiaidh do 'Peregrine Readings' Áras na Scríbhneoirí i nGaeilge bheith ann, ar an Mháirt. Ní tharlaíonn rud ar bith i nGaeilge san ionad cultúrtha seo leis na míonna agus ansin, ar nós Dublin Bus, tagann dhá ócáid sa seachtain chéanna! Agus ar ndóigh, ba mhór liom éisteacht le Liam MacCóil agus Darach Ó Scolaí, ach faraor géar, bhí sé dodhéanta agam freastal ar an dá cheann in aon seachtain amháin (bím ag obair ar an Chéadaoin!).

An bhliain seo chugainn...

Tuesday, 15 November 2011

Peregrine an Fhómhair


    


ó Aras na Scríbhneoirí i mBaile Átha Cliath...




'I rith na seachtaine dar tús 21 Samhain beidh Mícheál Ó Conghaile, Jackie Mac Donncha agus Joe Steve Ó Neachtain ag léamh a saothar.


 Beidh Ó Conghaile agus MacDonncha ag léamh in Áras na Scríbhneoirí ar 22 Samhain agus ar an 24 Samhain i Leabharlann na Ceathrú Rua léifidh MacDonncha agus Joe Steve Ó Neachtain.


 Tosóidh na léamhanna in Áras na Scríbhneoirí ag 7.30 p.m. agus i Leabharlann na Ceathrú Rua is ag 6.30 p.m. a thosóidh siad.


 Seolfar duanaire de nualitríocht na Gaeilge dar teideal Twisted Truths ag 6.00p.m. in Áras na Scríbhneoirí ar 22 Samhain roimh na Léamhanna Peregrine.'


Agus tá na hócáidí seo saor in aisce.