Sunday, 12 October 2014

Mí seo na hailse - scian


Ar an Bharda Sceana



Gol na gcíocha gearrtha.
Caoineadh ciúin sa dorchadas.
Linn féin.

Gan chéile,
Gan chlann,
Gan chúram,
Muid féin lenár machnamh dorcha,
Gruama.



Ar leathchíoch,
Ar ainchíoch,
Nó ag fanacht
Ar an scian.

Siúracha siúráilte
Ag dáileadh piollaí suain,
Nach ndéanann feidhm
Don imní ná don chumha.
Ní dhéanfaidh faic feidhm anseo
Ach am.


1 comment: