Bonnóga is beoir

Teach an ArdMhéara

Bhí daoine cruinnithe isteach chuig Teach anArdMhéara arís i mbliana chun éisteacht le prós, filíocht agus ceol ar 8 Márta, Lá Idirnáisiúnta na mBan. Seo í an ceathrú bliain don ócáid i mBaile Átha Cliath ach is breá liom go bhfuil 'Lá Idirnáisiúnta', ócáid do scríbhneoirí, tosaithe i mBéal Feirste chomh maith ag Katie McGreal  agus ag fáil aitheantais nios forleithne.

Celia de Fréine

Bhí Celia de Fréine ina Bean a' Tí ar an oíche, agus thug sí léamh as a leabhar Ceannródaí fhad is a bhí sí i mbun an ardáin. Tráthúil go maith, leabhar agus ábhar a bhí ag teacht leis an oíche - beathaisnéis Luíse Ghabhánach Ní Dhufaigh -  bean a chur tús leis an chéad Ghaelscoil sa tír.

lónadóireacht an ArdMhéara - roinnt bonnóga a bhí fágtha ó ócáid níos luaithe sa lá

Fhad is a bhí sí féin agus an cúpla chéad léitheoir i mbun oibre, ar ndóigh, bhí Mr. Bean (sic) aka an tArdMhéara reatha ag gabháil thart ag líonadh gloiní. Rinne sé praiseach d'ainmneacha na scríbhneoirí ina óráid, dhiúltaigh a oifigse aon rud a chur ar fáil i mbliana leis an oíche a óstáil (bia, beoir, gloiní féin... ).

Ar ndóigh, tá a chuid fadhbanna aige féin - hóladh an liúntas beorach a fhaigheann an teach saor in aisce ó Guinness roinnt ama roimhe sin. Caithfidh mé a admháil, is é an tArdMhéara is lú fáilte a bhí againn ariamh - linne. Ní mar a chéile le grúpaí eile, cinnte.

Na léitheoirí

Tháinig na léitheoirí amach agus rinne siad éacht. Sa phictiúr thuas - ó chlé - Michelle Nic Pháidín, Maoilíosa Scott, Dáire Ní Chanáin, mé féin, Celia de Fréine agus Lisa Nic an Bhreithimh. Bhí Máire Dinny Wren in ainm is a bheith ag léamh ach cuireadh a heitilt as Dún na nGall ar ceal. Ach bhí a lucht tacaíochta ansin, cibé ar bith!

Lucht tacaíochta Mháire Dinny - ní raibh sí ann ach bhain siad sult as an oíche cibé ar bith

Jack Harte agus Marie O'Connor

Na Slamadóirí Dáire Ní Chanáin, Maoilíosa Scott agus Anna Heussaff

Caitríona Ní Chléirchín i lár báire

Íte Ní Chionnaith ar chlé

Achan bhliain go dtí deo iarraim ar Fhionn Ó hAlmhain teacht agus poirt a sheinnm. Bhí se réidh le theacht an chéad bhliain agus an gig a dhéanamh saor in aisce mar nach raibh aon mhaoiniú cinnte ann ag an am. Ach achan bhliain ó shin tagann sé féin agus ceoltór eile suimiúil, spéisiúil agus seinneann siad píosaí a stopann daoine ón chaint le heisteacht leo. B'amhlaidh mar a bhí i mbliana.

Rachel Ní Dhufaigh agus Fionn Ó hAlmhain

Agus ar ndóigh... chuir sé gliondar orm gur bhain duine amháin ar a laghad sult as na bonnógaí sin...

Póilín Nic Géidigh