Tá mé i ndiaidh theacht abhaile ó Bhaile Loch Cuan, áit a raibh mé ag scríobh ar feadh cúpla lá sular landáil an chlann anuas orm. Ceantar ina bhfuil go leor de scéalta 'Dílis' lonnaithe ann atá ann, mar cheantar Leath Chathail i gContae an Dúin.
Ach ansin landáil na 'páistí' (28 agus 26!) agus An Polaiteoir (is maith leis dul áit éigin nach bhfuil aithne air - agus bí cinnte gur beag duine a éisteann le Raidió na Gaeltachta sa bhaile céanna). As sin amach ní raibh ann ach pléisiúr, pléisiúr, pléisiúr... tá an saol crua.
Tránna...
Bhí mé thar a bheith sásta leis an dul chun cinn a bhí déanta agam i rith mo chúpla lá aonair, ach níor luaithe sa bhaile mé ná fuair mé scéal ó Fhoras na Gaeilge gur thit duine amach as buíon scríbhneoirí Focail Eile agus. . . an mbeadh suim agam gabháil chun na Freaslainne go cionn ocht seachtaine, ós rud é go raibh m'iarratas acu ar an liosta?
Bhuel, anois, caidé a déarfá le tréimhse scríbhneoireachta (agus teagaisc, ar ndóigh), i dtír eile, go cionn tréimhse? Ní mhairimid ach seal - agus nach maith mar atá a fhios agam é sin.
Ní ocht seachtaine a bheas agam féin, ó tá coinní ospidéil agam abhus in Éirinn i mí na Bealtaine, ach cinnte - beidh mé ag cur cúpla íomhá in airde anseo ón Fhreaslainn.
Ag dúil agus ag súil agus ag dréim leis go mór.
Ag súil go mór le d'fhocla ón áit a léamh... bain sult as, a chara!
ReplyDeleteÁdh mór leis an turas, amanta tarlaíonn rudaí maithe....
ReplyDelete