Monday, 3 October 2016

Pá, pinsean agus inscne


Ag taighdiú bearna pá na n-inscní domh, tháinig mé ar an seicliosta praicticiúil, chéad-domhanda seo (thíos). Moltaí do mhná atá ag iarraidh an bhearna pá idir na hinscní a sheachaint:


Pointí le cur san áireamh má chinneann tú, mar bhean, go bhfuil obair íoctha tabhachtach i do shaol laethúil agus tuarastal de réir uaire ard inmholta: 
  1. Impleachtaí oideachais: roghnaigh oideachas tríú leibhéil i ndiadh scagadh a dhéanamh ar éileimh agus ag meas an mhargaidh sna blianta atá le theacht       
  2. Oideachas d'ardchaighdeán - faigh na píosaí páipéir    
  3. Aimsigh earnáil a íocann go leor (sin cúram páistí amach as an áireamh...) agus ina bhful féidireachtaí páirt-aimseartha (a íocann go maith) ar fáil 
  4. Scileanna leathana - roghnaigh slí bheatha ina mbeidh tú in ann na scileanna a aistriú ó phost amháin go post eile más gá   
  5. Aimsigh páirtnéir a thacaíonn leat i do roghanna oibre agus cúraim. 
  6. Aimsigh páirtnéir a bheas lánsásta comhoibriú leat le cúraimí an tsaoil sa teach agus sa teaghlach 
  7. Tosaigh in obair pháirt-aimseartha agus ná tóg am saor amach uaidh
  8. Roghnaigh comhlacht mhór a chuireann creche ar fáil
  9. Roghnaigh comhlacht gar do do theach féin, rud a éascós cúrsaí taistil agus a chuideoidh leis an chothromú idir do shaol fostaíochta agus do shaol baile
  10. Pléigh  do thuarastal le d'fhostóir ag gach céim nua de do shlí bheatha 
  11. Labhair faoi do shlí bheatha go rialta le do mhuintir. Tá do shlí bheatha tabhachtach.         
  12. Lean leat ag foghlaim i rith do shlí bheatha chun scileanna nua a ghlacadh ar bord. 
  13. Coinnigh súil ar do phinsean.



Stopaigí den gháire - nó b'é sin gol?


1 comment:

  1. Ochón ó...:-(

    Chaithfeá bheith ag gáire nó bheifeá ag caoineadh..:-)

    ReplyDelete