Inní agus leabhair eile

 

An Crann Óg ag gabháil ceoil

Glacann sé tamall a theacht chugat féin i ndiaidh Oireachtas na Gaeilge. Bíonn an iliomad ócáid ann. Ceann acu ná ollsheoladh leabhair a bhí ag Éabhlóid dúinne, na húdair a thóg leabhair amach le linn na pandéime, na húdair a bhí ag iarraidh iad a chur i mbéal an phobail nuair nach raibh deis cainte ag an phobal ach Zoom agus Teams agus WhatsApp. 

Eoghan Mac Giolla Bhríde

Proinsias Mac a' Bhaird

Ba iad Eoghan Mac Giolla Bhríde agus Proinsias Mac a' Bhaird a chuir tús leis an seoladh. Bhí go leor de bhunadh an chontae chéanna i láthair, ar ndóigh.

Gemma Nic Conchra (údar) le 'Caoilte Caillte sa Mhúsaem'
https://eabhloid.com/postail/works/caoilte?lang=en

Iníon le Caitlín Nic Niallais (údar), ag léamh sleachta as 'Scéalta Draíochta Mhicí Sheáin Néill'
https://eabhloid.com/siopa/scealta-draiochta-mhici-sheain-neill

Niall Naessens, nia le Nuala Ní Ghallchóir, an bhean a scríobh 'Scéalta ó m'Óige'
https://eabhloid.com/postail/works/scealta 

Cúpla focal ar leith fán chnuasach scéalta  'Scéalta Draíochta Mhicí Sheáin Neill' -  Tá draíocht ag baint leo, cinnte. Tá idirnáisiúnachas agus aois is gaois iontu gur fiú go mór iad a léamh. Cruinníonn siad hucu  oidhreacht a spréann thar na blianta agus thart timpeall na hEorpa agus an domhain. Is scéalta iad a bhfaightear i dtraidisiúin bhéil agus i dtraidisiúin scríofa an domhain ar fad. Fianaise bheo iad ar Éirinn agus í lonnaithe i gcroílár nósmhaireachtaí béil an domhain le fada, fada an lá. Tá mé an-tógtha leis. 

 Agus, ar ndóigh, bhí píosa le léamh agam as 'Inní', cnuasach gearrscéalta a bhí ar ghearrliosta Gradam An Post Leabhar an Bliana i 2021. Ar Zoom a rinneadh an Gradam sin a chur  chun tosaigh, mar gheall ar chúrsaí sláinte, agus bhí daoine zúmáilte amach go maith faoin am sin. Ba dheas labhairt le daoine sa seomra céanna liom fein arís. 

Proinsias Mac a' Bhaird agus 'Inní' á sheoladh aige
https://eabhloid.com/postail/works/inni

Rinne Proinsias Mac a' Bhaird an leabhar a sheoladh go caoin, flaithiúil, ní miste a rá. Caithfidh mé an clúdach donn sin a chur chuige...

Agus cúpla pic eile de chuid lucht na leabhar ag an Oireachtas ...

Muintir Mhic Niallais - Máire agus a beirt iníonacha, Máire agus Colma

Brídanna Ní Bhaoill agus cara

Muintir Mhic Niallais - an t-aos óg, a chuir an ceol ar fáil chomh maith
Míde, Seán, Lia agus Riada

Caitlín Nic Niallais agus Regina Uí Chollatáin (UCD)

Áine Ní Churráin agus Caitlín Nic Nic Niallais

Deirdre Learmont lena slad leabhar

Dónall Ó Cnáimhsí

Cathal Poirtéir

*Piceanna le caoinchead Linda Keating

Dílis

Dílis

Imní. Sin an focal cuí. Tá an clúdach deartha ag na foilsitheoirí. Tá cúpla dáta sa dialann...  nod.... má tá tú i mBaile Átha Cliath ar 17ú Deireadh Fómhair, beidh gloine fíona ag fanacht ort sa Chlub i Sráid Fhearchair ... Tá na profaí deireanacha réidh.

 Mo bhuíochas le Julianne Ní Chonchubhair, eagarthóir foighdeach, foighneach na bprofaí. Níl ann anois ach fanacht.

Clic

ina seasamh: Seosamh Ó Bergin, An tUasal Neamhspleách, Seán Ó Corbáin, Ruairí Ó hAnnluain, Peadar Mac Fhlannchadha,; ina suí: Pádraigín Uí Mhuineacháin, mise, Máirín Uí Thuairisg

Bhí mé ar ócaid bronnta duaise i mBéal átha na Slua roinnt seachtainí ó shin. Bhain mé an chéad áit sa chéad chomórtas gearrscéalaíochta le Craobh Ghrealláin de Chonradh na Gaeilge ar an bhaile sin, Comórtas Uí Mhaine. D'eagraigh siad an comórtas anuraidh agus bhain mé an duais anuraidh agus fuair mé seic breá sa phost anuraidh a cheannaigh ríomhaire nua domh anuraidh a bhí de dhíth go géar orm. Múineann gá seift...

Shíl mé go raibh deireadh leis na rudaí deasa an t-am seo anuraidh, ach ní raibh. Fuair mé cuireadh theacht chuig lón leis an choiste agus bhí me an-shásta gabháil siar. Tháinig muid le chéile agus bhí lón againn i dTeach Ósta Gullane, an teach is gaelaí ar an bhaile, deirtear liom. Lón galánta i seomra príobháideach. Agus ansin thóg siad amach Corn Mór Mílteach agus bhronn siad orm é. Ceann airgid. An chéad chorn a bhain mé le mo sholas. Ariamh.

Go raibh míle maith agaibh, a mhuintir Ghrealláin. Bhí sibh lách cineálta liom agus fial flaithiúil. D'fhan mé ar an phíosa seo a scríobh go dtí go mbeinn  thuas ar cuairt ar m'athair. Tá sé 92 agus ba ghnách leis scríobh nuair a bhí sé níos óige. Thug mé liom an corn agus is beag nár thit sé as a sheasamh (a shuí, i ndáiríre) nuair a thóg mé amach as an bhosca é. Chaith sé níos mó ná seasca bliain ag obair ag seodóirí, siopaí trófaithe agus geallbhróicéirí chomh maith. Beidh lúcháir ar choiste Bhéal Átha na Slua gur thóg sé an corn, mheá sé é ina lámha, scrúdaigh sé go géar é agus dhearbhuigh sé gur 'ceann maith é'!

is ceann maith é!

Gearrscéal

Tá an-chuma ag teacht ar an bhlag seo, http://gearrsceal.wordpress.com/, agus soláthar a dhéanamh aige ar fhoilsitheoireacht sa Ghaeilge ar líne. Creidim go bhféadfadh leis an suíomh seo bearna mhór a líonadh.

Níl mórán ar fáil saor in aisce ag Comhar ná ag An tUltach ná Feasta ar líne. Mór an trua é. Tá daoine cleachtaithe le hábhar bheith  ar fáil ar an idirlíon sa lá atá inniu ann.Saothraíonn foilsitheoirí ar líne airgead ó bholscaireacht agus ó fhógraíocht.Chan ó dhíolachán síntiúisí. Sin an domhan a bhfuil muid beo inti. Agus ós rud é go bhfuil na hirisí thuasluaite beo ar mhaoiniú stáit, ní fheicim fáth ar bith nach ndéanfáidís amhlaidh agus a gcuid ábhar a chur ar fáil in aisce don domhan mhór. Bímis macánta. Níl pingneacha móra, beaga ná rua le saothrú as bheith ag scríobh as Gaeilge. Cén fáth a mbeimis ag iarraidh síntiúisí as rud atá curtha ar fáil ag deontaisí rialtais in earnáil nach mbíonn síntiúisí ann? 

Tá deireadh curtha le Gaelport. Mór an chailliúint é. Ach creidim gur cor nua atá anseo i bhfoilsitheoireacht agus i gcur chun cinn na Gaeilge. Molaim iad, Craobh Grealláin Chonradh na Gaeilge i mBéal Átha na Slua, as an áis seo a chur ar fáil.